Whetū kāpehu

Kaiwhakatere Hawaiana Keahi Omai (ākonga a Nainoa Thompson): “Ka whakamahia e mātou ngā whare o Papa Tom [Sir Tom Davis’]. Ko ngā whare ka whakawehea kia 32 ngā wāhanga ki te rangi e nohoia nei e ngā whetū. Ki tōku nei whakaaro, ka noho whare ngā whetū pērā ki ngā tāngata e noho whare ana.”
Nā Bader, H. rāua ko McCurdy, P., eds (1999).

Ka rere ngā whetū i te rangi mai i te rāwhiti ki te uru. Ka paku moata te whitinga me te tōnga o ngā whetū ia pō ki te pō o mua. Pātata ki te pae o te ao, ka whiti mai ia whetū i te tūranga kotahi o te pae PAPAKUPU pae - te tūtakitanga o te moana, te papa rānei ki te rangi ki te rāwhiti, ā, ka tō i te tūranga kotahi ki te uru.

Ka whakawehea e ngā iwi o ngā Kararaina i te pae kia 32 ngā ira e whiti, e tō ai ngā whetū. Kei Te Ngapore o te Ao (Whakaahunga Puta Noa i te Ao), ka 32 hoki ngā ira. Ko te hunga nō ērā atu wāhi, pēnei i Initonīhia, kei a rātou hoki ēnei mōhiotanga. He ingoa tō ia wāhi tūranga o ngā whetū, te paafu rānei o Hatawara. Ka noho tokorua hoki ngā whetū. Hei tauira, ka noho takirua a whetū X e whiti mai ana, kia whetū X e tō ana. Ka ako te kaiwhakatere i aua tokorua nei, me ngā tokorua e hāngai tonu ana ki a rāua. Nā reira ka taea ai e ia te tia mā te whakarārangi i ngā whetū e whiti mai ana, e tō ana ki mua ki te taha ki muri hoki o tōna waka.

Ki te kore ngā whetu, (i te rā, i ngā pō kapua rānei), ka taea e te kaiwhakatere te whakamahi i te kāpehu whetū i te mea e mōhio ana ia ki te ahunga o te āmai PAPAKUPU āmai - he ngaru, nā ngā hau me ngā āwhā te karekare mai me te hau e hāngai ana ki ngā whetū.

Whakaahua 1. E hāngai ana tēnei whakaahua ki te whakaahua mai i te pukapuka "Cartography in the Traditional African, American, Arctic, Australian and Pacific Societies." Etita David Woodward rāua ko G. Malcolm Lewis, 1998, pg 462.

Te Kapehu Whetū o Kararaina

Whakaahua 1
Fuesemagut
Tana Mun
Tana Mailap
Tana Tumur
Wuliwulilup
Tubula Tumur
Tubula
Mailap
Tubula Mun

Ko tā ngā kaiwhakatere o Kararaina, he maramara roke kanae hei tohu mō ngā tōpito e 32 o te kapehu, he pū rau kōkonati mō ngā ahunga ā-āmai e 8.