Ngā Ara Ako, Ngā Ara Maumahara

Ko tā Jacko Thatcher o Aotearoa: “Nō taku ako i ngā ingoa Māori mo ngā whetū Pākehā…. kātahi ka oho ake kua kitea kētia e au ēnei ingoa….. i pānuitia e au taku pukapuka waiata tawhito i a au e kura ana, koia kei reira…..” I ākona e ia tētahi waiata e whakahua ana i ngā whetū:

Takinga mai ra ko nga hui a Matariki,
Tuanga, Tautoru, Kangaroa-Atutahi,
mai Karewa, te tini o te whetu ariki.

Mai i Bader, H. me McCurdy, P., eds (1999).

Tae rawa mai ki tēnei wā, kāre kē ko te pukapuka me te kōpae te ara tuku mātauranga whakatere! He āta mātakitaki, he whakarongo, he hokihoki kōrero, he whakamātau ngā ara tuku. I ara ake ngā huarahi whakamāmā i te mātauranga kia ngāwari ake te pupuru. Me maumahara ka tika, nā te mea kāre kē he mea e haria ana ki tai – kāre e pēnei i ngā tohu huarahi Pākehā i ēnei wā. I āta “mapi” te rangi me te moana mā ngā taonga (hei tauira, he kōwhatu, he rākau rānei hei tohu i ngā whetū, i ngā pikinga ngaru) mā te whakaahua hinengaro rānei. Ko ngā taonga whakaoreore i ngā mahara o ngā kaiwhakatere ko ngā waiata, ngā pātere me ngā pakiwaitara.

I Aotearoa, ka whakaatungia ngā whetū ki ētahi tukutuku (raranga), i Hāmoa me ētahi atu moutere, ka kitea i roto i ngā tapa (papanga peita), i ētahi tiriwhana tangata rānei – hei tauira, i ngā waewae o ngā wāhine.

Hoturoa Barclay-Kerr nō Te Toki Whānau Whakatere Waka
Ko te mea ka whai mai, ko te mea e kaha mahia ana me ā mātou rangatahi. Ka haria rātou ki waho ka whakaaturia atu. Ka haria ki tētahi wāhi, ka kī, “Titiro, pupurutia, whāwhātia, pākia, mahia, ka mutu ā koutou whāwhā, whakapā atu o te ringa, e kore e warewaretia.” Ki a au koinei tētahi o ō matou rerenga kētanga nunui, arā, ka mutu te whakamārama atu, ka horo te hari i a rātou ki te whāwhā atu. I a rātou i te kura, ka toru pea, ka whā pea ngā wiki e wānanga ana i tētahi mea kātahi ka whai wāhi ki te whakapā tūturu atu.

WHATAATA